गांधीनगर – दिवाळीनिमित्त सलग सुट्टीचा आनंद लोकांना घेता यावा यासाठी गुजरात सरकारने यंदा १ नोव्हेंबर रोजी सरकारी सुट्टी जाहीर केली आहे. त्याऐवजी ९ नोव्हेंबर रोजी शनिवारी सर्व शासकीय कार्यालये सुरू राहणार आहेत.गुजरातमध्ये दिवाळीची सुट्टी ३१ ऑक्टोबर रोजी आहे. त्यानंतर २ नोव्हेंबर रोजी गुजराती नववर्षानिमित्त सरकारी सुट्टी आहे. म्हणूनच ३१ ऑक्टोबर ते २ नोव्हेंबर अशी तीन दिवस सलग सुट्टी मिळावी यासाठी १ नोव्हेंबर रोजी सरकारी सुट्टी जाहीर करण्याचा निर्णय सामान्य प्रशासन विभागाने घेतला आहे.
