Honor X7c 5G Smartphone: टेक कंपनी Honor ने भारतीय बाजारात आपला नवीन Honor X7c 5G स्मार्टफोन लाँच केला आहे. हा फोन कमी बजेटमध्येउत्तम फिचर्स (Features) देत आहे. यामध्ये 50MP चा दमदार रियर कॅमेरा, मोठी बॅटरी आणि शक्तिशाली प्रोसेसर देण्यात आला आहे.
Honor X7c 5G: किंमत आणि उपलब्ध
Honor X7c 5G चा 8GB रॅम आणि 256GB स्टोरेज असलेला व्हेरिएंट 14,999 रुपयांमध्ये लाँच करण्यात आला आहे. हा फोन फॉरेस्ट ग्रीन (Forest Green) आणि मूनलाइट व्हाइट (Moonlight White) या दोन आकर्षक रंगांमध्ये उपलब्ध असेल. या फोनची विक्री 20 ऑगस्टपासून सुरू होणार आहे.
Honor X7c 5G ची वैशिष्ट्ये
इतर वैशिष्ट्ये: फोनमध्ये ड्युअल स्टीरिओ स्पीकर, 3.5mm हेडफोन जॅक आणि हाय-व्हॉल्यूम मोड यांसारखी वैशिष्ट्येही आहेत.
डिस्प्ले: या स्मार्टफोनमध्ये 6.8-इंच चा मोठा डिस्प्ले देण्यात आला आहे, ज्याचे रिझोल्यूशन 2412 x 1080 पिक्सल आहे. याची स्क्रीन एल्युमिनोसिलिकेट ग्लासने सुरक्षित आहे.
कॅमेरा: फोटोग्राफीसाठी यामध्ये ड्युअल रियर कॅमेरा सेटअप आहे. यात 50 मेगापिक्सलचा प्रायमरी कॅमेरा आणि 2 मेगापिक्सलचा डेप्थ सेन्सर आहे. सेल्फीसाठी 5 मेगापिक्सलचा फ्रंट कॅमेरा देण्यात आला आहे.
प्रोसेसर आणि स्टोरेज: हा फोन क्वालकॉमच्या Snapdragon 4 Gen 2 चिपसेटवर चालतो, ज्यामुळे तो वेगवान काम करतो. यात 8GB रॅमसोबत 8GB व्हर्च्युअल रॅम आणि 256GB ची स्टोरेज आहे. हा फोन Android 14 वर आधारित MagicOS 8.0 वर काम करतो.
बॅटरी: Honor X7c 5G मध्ये 5200mAh ची मोठी बॅटरी देण्यात आली आहे, जी 35W फास्ट चार्जिंगला सपोर्ट करते. कंपनीच्या दाव्यानुसार, ही बॅटरी एका चार्जमध्ये 24 तास ऑनलाइन स्ट्रीमिंगचा बॅकअप देते.
हे देखील वाचा –
अंतराळातून परतल्यानंतर शुभांशु शुक्ला यांनी घेतली पंतप्रधान मोदींची भेट, दिली ‘ही’ खास भेटवस्तू
इतिहास परतला! सरदार रघुजी भोसले यांची 18 व्या शतकातील तलवार लंडनहून महाराष्ट्रात दाखल
