Praful Patel Sunil Tatkare Amit Shah Meet : राज्यातील महानगरपालिकांच्या निवडणुकांच्या पार्शवभूमीवर राज्याच्या राजकारणात अनेक बदल होताना दिसत आहेत. (Municipal Corporations Election 2026) त्यामुळे सर्वच राजकीय पक्षांच्या घडामोडीनां वेग आला आहे. अशातच आज राष्ट्रवादी काँग्रेस अजित पवार गटाचे राष्ट्रीय कार्याध्यक्ष प्रफुल पटेल आणि महाराष्ट्राचे प्रदेशाध्यक्ष सुनील तटकरे यांनी केंद्रीय गृहमंत्री अमित शाह यांची भेट घेतल्यानंतर राजकीय चर्चाना जोरदार उधाण आले आहे. अमित शाह (Amit Shah) आणि प्रफुल पटेल (Praful Patel) आणि सुनील तटकरे (Sunil Tatkare) यांच्यात जवळपास १५ मिनिटे चर्चा झाल्याची माहिती आहे.
राज्यात ज्या ठिकाणी युती करणे शक्य असेल तिथे युती करा, अशी अमित शाह यांनी प्रफुल पटेल आणि सुनील तटकरे यांना सूचना दिल्या आहेत. तसेच शरद पवारांच्या राष्ट्रवादीसोबत अजित पवारांच्या राष्ट्रवादीने हात मिळवणी केल्याने अमित शाह यांना काहीच हरकत नसल्याचे देखील समोर आले आहे. अमित शाहांच्या या भेटीनंतर उद्याच मुख्यमंत्री देवेंद्र फडणवीसांसोबत राष्ट्रवादीच्या नेत्यांची बैठक पार पडणार असल्याची मोठी माहिती देखील समोर आली आहे. (Praful Patel Sunil Tatkare Amit Shah Meet)
राज्यातील आगामी महापालिकेच्या निवडणुकीत (Municipal Corporation Election 2026) राज्यात बहुतांश ठिकाणी भाजपा आणि शिवसेना एकत्र लढणार असल्याचे मुख्यमंत्र्यानी स्पष्ट केले. मात्र पुणे आणि पिंपरी चिंचवडमध्ये भाजपा आणि अजितदादांची राष्ट्रवादी एकमेकांच्या विरोधात लढणार असल्याचं देखील मुख्यमंत्री देवेंद्र फडणवीस (Devendra Fadnavis) यांनी काल जाहीर केलं.
हे देखील वाचा – Aditya Thackeray : महापालिकेसाठी आदित्य ठाकरेंची लगबग; निवडणुकांच्या पार्शवभूमीवर कशी असेल रणनीती?
