Bank FD rates: पैसे सुरक्षित ठेवण्यासाठी फिक्स्ड डिपॉझिट (Fixed Deposit) हा आजही सर्वात विश्वासार्ह पर्याय मानला जातो. यात खात्रीशीर परतावा मिळतो आणि जोखीमही कमी असते.
सध्या अनेक बँका एका वर्षाच्या एफडीवर आकर्षक व्याजदर देत आहेत. यामध्ये स्टेट बँक ऑफ इंडिया (SBI), एचडीएफसी बँक (HDFC Bank) आणि आयसीआयसीआय बँक (ICICI Bank) प्रमुख आहेत.
1 वर्षांची एफडीवरील व्याज (Bank FD rates)
एक वर्षाच्या एफडीवर, एसबीआय, आयसीआयसीआय बँक आणि कोटक महिंद्रा बँक सामान्य ग्राहकांना 6.25% तर ज्येष्ठ नागरिकांना 6.75% व्याज देत आहेत. युनियन बँक ऑफ इंडिया (Union Bank of India) सामान्य ग्राहकांना 6.40% आणि ज्येष्ठ नागरिकांना 6.90% व्याज देत आहे.
या सर्वसामान्य एफडीसोबतच, अनेक प्रमुख बँकांनी 444 दिवसांच्या विशेष एफडी योजना सुरू केल्या आहेत, ज्यावर चांगले व्याज मिळत आहे.
444 दिवसांच्या एफडी योजना आणि परतावा
- स्टेट बँक ऑफ इंडिया (SBI)
- एसबीआयची 444 दिवसांची विशेष एफडी योजना ‘अमृत वृष्टी’ म्हणून ओळखली जाते.
- व्याजदर: सामान्य ग्राहकांसाठी 6.60%, ज्येष्ठ नागरिकांसाठी 7.10% आणि अति-ज्येष्ठ नागरिकांसाठी 7.20%.
- परतावा: 1 लाख रुपये गुंतवल्यास, तुम्हाला अंदाजे 8,288 रुपये व्याज मिळेल आणि एकूण मॅच्युरिटी रक्कम 1,08,288 रुपये होईल.
- इंडियन बँक (Indian Bank)
- या बँकेची 444 दिवसांची एफडी योजना ‘इंड सिक्युअर प्रॉडक्ट’ म्हणून ओळखली जाते.
- व्याजदर: सामान्य ग्राहकांना 6.70%, ज्येष्ठ नागरिकांना 7.20% आणि अति-ज्येष्ठ नागरिकांना 7.45%.
- परतावा: 1 लाख रुपयांच्या गुंतवणुकीवर तुम्हाला अंदाजे 8,418.26 रुपये व्याज मिळेल आणि मॅच्युरिटी रक्कम 1,08,418.26 रुपये होईल.
- बँक ऑफ बडोदा (Bank of Baroda)
- बँक ऑफ बडोदाच्या या योजनेचे नाव ‘बॉब स्क्वेअर ड्राइव्ह डिपॉझिट स्कीम’ आहे.
- व्याजदर: सामान्य ग्राहकांसाठी 6.60%, ज्येष्ठ नागरिकांसाठी 7.10% आणि अति-ज्येष्ठ नागरिकांसाठी 7.20%.
- परतावा: 1 लाख रुपयांच्या गुंतवणुकीवर तुम्हाला अंदाजे 8,288.61 रुपये व्याज मिळेल आणि मॅच्युरिटी रक्कम 1,08,288.61 रुपये होईल.
- आयडीबीआय बँक (IDBI Bank)
- आयडीबीआय बँकेची 444 दिवसांची विशेष एफडी योजना ‘उत्सव एफडी’ म्हणून ओळखली जाते.
- व्याजदर: सामान्य ग्राहकांना 6.70%, ज्येष्ठ नागरिकांना 7.20% आणि अति-ज्येष्ठ नागरिकांना 7.35%.
- परतावा: 1 लाख रुपयांच्या गुंतवणुकीवर तुम्हाला अंदाजे 8,418.26 रुपये व्याज मिळेल आणि मॅच्युरिटी रक्कम 1,08,418.26 रुपये होईल. हे दर 30 सप्टेंबर 2025 पर्यंत वैध आहेत.
- कॅनरा बँक (Canara Bank)
- कॅनरा बँकेच्या 444 दिवसांच्या एफडीवर चांगले व्याजदर उपलब्ध आहेत.
- व्याजदर: सामान्य ग्राहकांना 6.50% आणि ज्येष्ठ नागरिकांना 7.00%.
- परतावा: 1 लाख रुपयांच्या गुंतवणुकीवर तुम्हाला अंदाजे 8,159.08 रुपये व्याज मिळेल आणि मॅच्युरिटी रक्कम 1,08,159.08 रुपये होईल.
हे देखील वाचा –
9 कॅरेट सोने नक्की काय आहे? किंमत-शुद्धेपर्यंत जाणून घ्या संपूर्ण माहिती
PAN Card हरवले? आता फक्त 5 मिनिटांत घरी बसून करा डाउनलोड, जाणून घ्या सोपी प्रक्रिया
भारताचे अंतराळ स्पेस स्टेशन कसे असेल? ISRO ने दाखवली पहिली झलक
