सना – येमेनमध्ये केरळची परिचारिका निमिषा प्रियाची (Kerala nurse Nimisha Priya) फाशीची शिक्षा रद्द करण्यात आली आहे. भारतातील ग्रँड मुफ्ती कंठापुरम एपी अबूबकर मुसलियार यांच्या कार्यालयाने याबाबत एक निवेदन जारी करून माहिती दिली. यात निमिषा प्रियाची स्थगित (cancelled) करण्यात आलेली फाशीची शिक्षा रद्द केल्याचे नमूद केले आहे. येमेनची राजधानी सना येथे झालेल्या उच्चस्तरीय बैठकीत हा महत्त्वाचा निर्णय घेण्यात आला. निमिषावर तिच्या बिझनेस पार्टनरची हत्या (murdering) करून नंतर त्याच्या मृतदेहाचे तुकडे केल्याचा आरोप आहे. मार्च २०१८ मध्ये तिला या हत्येसाठी दोषी ठरवण्यात आले होते. त्यानंतर २०२० मध्ये येमेन न्यायालयाने तिला फाशीची शिक्षा सुनावली होती, असे ग्रँड मुफ्ती यांच्या कार्यालयाने (Grand Mufti’s office)म्हटले आहे.
केरळमधील पलक्कड जिल्ह्यातील निमिषा प्रिया (३४) ही २००८ मध्ये नोकरीच्या शोधात येमेनला गेली होती. ती एका ख्रिश्चन कुटुंबातील असून सना येथे तिची भेट स्थानिक नागरिक तलाल अब्दो महदी (Yemeni national Talal Abdo Mahdi) यांच्याशी झाली. तिने तेथे आपले क्लिनिक (clinic)उघडण्यासाठी महदी यांच्याशी पार्टनरशिप केली. मात्र, काही काळानंतर त्यांचे संबंध बिघडले. महदीने निमिषाला त्रास (harassing) देण्यास सुरुवात केली. त्याने सार्वजनिक ठिकाणी निमिषा त्याची पत्नी असल्याचे सांगितले. शिवाय त्याने निमिषाचा पासपोर्ट जप्त केला. २०१७ मध्ये निमिषाने तिचा पासपोर्ट परत मिळवण्यासाठी महदीला बेशुद्ध करण्याचा प्रयत्न केला होता, परंतु यात त्याचा मृत्यू झाला व निमिषाला अटक करण्यात आली.
२०१८ मध्ये निमिषाला हत्येसाठी दोषी ठरवण्यात आले, तर २०२० मध्ये न्यायालयाने तिला फाशीची शिक्षा सुनावली. हे प्रकरण आंतरराष्ट्रीय स्तरावर चर्चेचा विषय ठरले. मानवाधिकार संघटना आणि सामाजिक कार्यकर्त्यांनी यानंतर तिच्या शिक्षेविरोधात मोहीम सुरू केली . भारताचे ग्रँड मुफ्ती कंठापुरम एपी अबूबकर मुसलियार यांनीही या प्रकरणी पुढाकार घेतला. ग्रँड मुफ्तींच्या विनंतीनंतर येमेनमध्ये या प्रकरणावर विचारविनिमय करण्यात आला व आता येमेनमध्ये झालेल्या उच्चस्तरीय बैठकीनंतर निमिषाची फाशीची शिक्षा रद्द करण्यात आली.
