Aadhaar Pan Linking : आजच्या काळात आधार कार्ड (Aadhaar Card) आणि पॅन कार्ड (PAN Card) ही दोन्ही अत्यंत महत्त्वाची कागदपत्रे बनली आहेत, ज्याशिवाय कोणतीही मोठी आर्थिक किंवा सरकारी कामे पूर्ण करणे कठीण आहे. त्यामुळे, ही दोन्ही कागदपत्रे एकमेकांशी जोडलेली असणे आवश्यक आहे.
31 डिसेंबर पर्यंत तुम्ही आधार आणि पॅनची जोडणी फ्री मध्ये करू शकता. जर तुम्ही हे काम वेळेत पूर्ण केली नाही, तर त्याचे गंभीर परिणाम होऊ शकतात.
आधार-पॅन लिंक न केल्यास होणारे नुकसान खालीलप्रमाणे आहे:
- पुढील वर्षी तुम्हाला प्राप्तिकर रिटर्न भरण्यात मोठी अडचण येईल.
- प्राप्तिकर रिफंड (ITR Refund) मिळण्यास विलंब किंवा अडचणी येऊ शकतात.
- तुमच्यावर टीडीएस (TDS) किंवा टीसीएस (TCS) उच्च दराने लागू होईल.
- बँक व्यवहारांवर परिणाम: बँक खाते उघडणे, तसेच डेबिट किंवा क्रेडिट कार्ड मिळण्यात समस्या निर्माण होतील.
- बँक किंवा पोस्ट ऑफिसमध्ये एका दिवसात ₹50,000 पेक्षा जास्त रक्कम जमा करता येणार नाही.
- एका आर्थिक वर्षात (Financial Year) ₹2,50,000 पेक्षा जास्त रक्कम जमा करता येणार नाही.
- ₹10,000 पेक्षा जास्त रकमेचे कोणतेही बँक व्यवहार करता येणार नाहीत.
जोडणी कोणासाठी आहे आवश्यक आणि कोणासाठी नाही?
जर तुमचे आधार कार्ड 1 ऑक्टोबर 2024 पूर्वी तयार झाले असेल आणि तुम्ही प्राप्तिकर (Income Tax) भरत असाल, तर तुमच्यासाठी आधार आणि पॅनची जोडणी करणे सक्तीचे आहे.
यांना आधार-पॅन जोडणी आवश्यक नाही:
- जे व्यक्ती प्राप्तिकर रिटर्न फाइल करत नाहीत.
- 80 वर्षांपेक्षा जास्त वय असलेले नागरिक.
- जे भारतीय नागरिक नाहीत.
- जम्मू-काश्मीर, आसाम आणि मेघालय यांसारख्या राज्यांमध्ये राहणारे नागरिक.
पॅन कार्डला आधार कार्डशी लिंक कसे कराल?
तुम्ही प्राप्तिकर ई-फाइलिंग वेबसाइटद्वारे किंवा एसएमएसच्या माध्यमातून हे काम पूर्ण करू शकता.
1. ई-फाइलिंगद्वारे जोडणी करण्याची पद्धत:
- सर्वात आधी प्राप्तिकर ई-फाइलिंग वेबसाइटवर जाऊन ‘लिंक आधार’ या पर्यायावर क्लिक करा.
- येथे तुमचा आधार आणि पॅन कार्ड क्रमांक टाका.
- नोंदणीकृत मोबाईल क्रमांक टाकून ‘आय अग्री टू व्हॅलिडेट माय आधार डिटेल्स विथ यूआयडीएआय’ यावर क्लिक करा.
- प्रक्रिया पूर्ण झाल्यावर, तुम्हाला ‘पॅन हॅज बीन लिंक्ड सक्सेसफुली’ असा मेसेज येईल.
2. एसएमएसद्वारे जोडणी करण्याची पद्धत:
तुम्ही तुमच्या नोंदणीकृत मोबाईल नंबरवरून UIDPAN <12 Digit Aadhaar> <10 Digit PAN> असा मेसेज तयार करून 567678 किंवा 56161 यापैकी कोणत्याही एका क्रमांकावर पाठवा.
यापैकी कोणत्याही एका सोप्या पद्धतीचा वापर करून तुम्ही 31 डिसेंबर पूर्वी आधार-पॅन जोडणी करू शकता.
हे देखील वाचा – H3N2 Influenza : H3N2 इन्फ्लुएन्झा काय आहे? हिवाळ्यात आजारांपासून वाचण्यासाठी काय काळजी घ्यावी? जाणून घ्या
