Dhule Election Result : राज्यात एकीकडे महानगरपालिकेच्या निवडणुकीसाठी जोरदार प्रचार सुरु आहे. तर दुसरीकडे नगरपंचायत आणि नगपरिषदेच्या निवडणुकीचा निकाल जाहीर होत आहे. एकूण २८८ नगराध्यक्षपदांसाठी ह्या निवडणूक घेण्यात आल्या होत्या. या निवडणुकीत अनेक टिकाणी महायुतीने बाजी मारली असल्याचे चित्र सध्या आहे. तर या निवडणुकीत महाविकास आघाडीला जबर धक्का बसला आहे.
दरम्यान, काही नगरपालिकांत तर निकाल स्पष्ट झाले असून मोठ्या उत्सहात जल्लोषाला सुरूवात झाली आहे. असे असतानाच धुळे जिल्ह्यात मात्र महाविकास आघाडीचा घटकपक्ष असलेल्या एकनाथ शिंदे यांच्या शिवसेना पक्षाला मात्र हार पत्करावी लागली आहे.मिळालेल्या माहितीनुसार धुळे जिल्ह्यातील शिरपूर वरवाडे नगरपरिषदेच्या निवडणुकीत एकनाथ शिंदे यांच्या पक्षाचा दारुण पराभव झाला आहे.
नेमका निकाल काय ?
हाती आलेल्या निकालानुसार शिरपूर वरवाडे नगरपरिषदेच्या निवडणुकीत एकनाथ शिंदे यांच्या पक्षाचा सुपडा साफ झालेला आहे. शिवसेना पक्षाला या ठिकाणी खातेदेखील खोलता आलेले नाही. येथे महायुतीधील भाजपा वरुद्ध शिवसेना अशी सरळ लढत येथे होती. याच निवडणुकीत भाजपानेच एकनाथ शिंदे यांच्या शिवसेना पक्षाला पाणी पाजलं आहे.
भाजपाचे नेते तथा आमदार अमरिशभाई पटेल यांच्या नेतृत्त्वाखाली भाजपाने शिरपूर नरवाडे नगरपरिषदेची हि शर्थीची निवडणूक लवढली होती. अमरिशभाई पटेल यांच्या प्रयत्नांना अखेर त्यांना यश आले आहे. आणि या नगरपरिषदेवर भाजपाची एकहाती सत्ता आलेली आहे. भाजपाचे येथे ३१ उमेदवार विजयी झाले असून एका एमआयएमच्या उमेदवाराने विजय मिळवला आहे.
विशेष म्हणजे शिरपूर वरवाडे नगरपरिषदेच्या निवडणुकीत अमरिशभाई पटेल यांचे सुपुत्र चिंतनभाई पटेल हे नगराध्यक्षपदाच्या निवडणुकीसाठी उभे राहिले होते. त्यांनी हि नगराध्यक्षपदाची निवडणूक जिंकलेली आहे.
रम्यान, शिरपूर वरवाडे नगरपरिषदेसाठी एकूण ३२ जागांवर हि निवडणूक घेण्यात आली होती. यातील ३१ जागा भाजपाने एकहाती जिंकल्या आहेत. तर एका जागेवर एमआयएम या पक्षाच्या उमेदवाराचा दणदणीत विजय झाला आहे. चिंतनभाई अमरिशभाई पटेल हे १७ हजार मतांच्या फरकाने विजयी झाले असून याठिकाणि भाजपाकडून जल्लोष साजरा केला जात आहे. आणि गुलालाची उधळण केली जात आहे.
मात्र धुळे जिल्ह्यातील शिरपूर शहरात निवडणूकीला गालबोट लागले आहे. या विजयी मिरवणूकीवर जोरदार दगड फेक करण्यात आली आहे.शिरपूर शहरातील वाल्मीक नगर भागात हि दगड फेक करण्यात आली आहे. या घटनेनंतर तात्काळ घटनास्थळी पोलीस दाखल झाले असून पोलिसांकडून धरपकड सुरू आहे.
