काठमांडू – जगातील सर्वात उंच शिखर असलेले माऊंट एव्हरेस्ट
३० वेळा सर करणारा कामी रिता हा ५५ वर्षीय शेर्पा आता स्वत:चाच विक्रम मोडण्याच्या तयारीत आहे.कामी रिता हे काल रविवारी काठमांडूहून ३१ व्या एव्हरेस्ट मोहिमेसाठी रवाना झाले.
एव्हरेस्ट सर करण्यासाठी आर्थिक, मानसिक व शारीरिक बळ लागते. एव्हरेस्ट शिखर सर करण्यासाठी जाणाऱ्या गिर्यारोहकांना वाट दाखवणाऱ्या शेर्पांचे यामध्ये मोठे योगदान असते.कामी रिता (५५) या शेर्पाने ३० वेळा एव्हरेस्ट सर केले असून आता तो स्वत:चाच विक्रम मोडण्याच्या तयारीत आहे. कामी रिता हे रविवारी काठमांडूहून ३१ व्या एव्हरेस्ट मोहिमेसाठी रवाना झाले.ते ८,८४९ मीटर उंचीचे एव्हरेस्ट शिखर पुन्हा सर करणार आहेत.
कामी रिता म्हणाले की,
एव्हरेस्ट शिखर ३१ व्यांदा सर करण्यासाठी मी मानसिक, भावनिक व शारीरिकदृष्टया तयार आहे . एव्हरेस्टवरील वातावरणावर सर्व अवलंबून असेल. १९९४ मध्ये कामी रिता याने पहिल्यांदा एव्हरेस्ट सर केले.त्यानंतर त्याने दरवर्षी हे शिखर सर केले. कामी रिता यांचे वडीलही शेर्पा होते.
आतापर्यंत कामी रिताने के-२, चो ओयू, मनासलू व लोत्से आदी शिखरेही सर केली आहेत. नेपाळच्या पर्यटन विभागाने यंदा २१४ गिर्यारोहकांना एव्हरेस्टसाठी परमिट दिले आहे. हे सर्व नेपाळच्या बाजूने शिखरावर चढणार आहेत.एव्हरेस्टवर चढाई करण्यासाठी एप्रिल व मे महिना उत्तम समजला जातो.१९५३ मध्ये न्यूझीलंडचे गिर्यारोहक एडमंड हिलरी व नेपाळी शेर्पा तेनसिंग नोर्गे यांनी पहिल्यांदा एव्हरेस्ट शिखर सर केले होते.
