Messi Tour Organizer Jailed – फुटबॉलपटू लिओनेल मेस्सीच्या गोट टूर ऑफ इंडियाचे मुख्य आयोजक सताद्रू दत्त यांना काल कोलकाता सॉल्ट लेक स्टेडियममध्ये झालेल्या गोंधळानंतर न्यायालयाने १४ दिवसांची पोलीस कोठडी सुनावली. त्यांच्या जामीन अर्जालाही न्यायालयाने नकार दिला.
काल दुपारी मेस्सी, इंटर मियामीचे सहकारी लुईस सुआरेझ आणि रॉड्रिगो डी पॉल यांच्या उपस्थितीत स्टेडियममध्ये कार्यक्रम आयोजित होता. हजारो फुटबॉलप्रेमी या कार्यक्रमाला उपस्थित होते. पण हा कार्यक्रमात काही क्षणातच मोठा गोंधळ उडाला.
मेस्सी मैदानावर आल्यावर त्याच्याभोवती राजकारणी आणि प्रतिष्ठित व्यक्तींची गर्दी केली. सुरक्षेच्या कारणामुे मेस्सीला फक्त वीस मिनिटांत स्टेडियममधून बाहेर नेण्यात आले. १४ हजार रुपयांची महागडी तिकीटे खर्च करून मेस्सीला पाहण्यासाठी आलेल्या चाहत्यांना त्याची झलकही पाहता आली नाही.
त्यामुळे चाहत्यांनी संताप व्यक्त करत घोषणाबाजी केली, खुर्च्या व बाटल्या फेकल्या. या गोंधळाची जाबाबदारी ठेवून मेस्सीच्या भारत दौर्याचे मुख्य आयोजक सताद्रू दत्त यांना काल अटक करण्यात आली होती.
या घटनेनंतर आसामचे मुख्यमंत्री आणि भाजपचे ज्येष्ठ नेते हिमंता बिस्वा सरमा यांनी थेट पश्चिम बंगालच्या मुख्यमंत्री ममता बॅनर्जी यांनाच अटक करण्याची मागणी केली .त्यांनी टीका करताना म्हटले की, मेस्सीसारखा जागतिक आयकॉन कोलकातामध्ये असताना, प्रशासनाच्या अक्षम्य निष्काळजीपणामुळे अशा प्रकारे अराजकता निर्माण होणे हे बंगालसाठी अत्यंत लज्जास्पद आहे.
इतर राज्यांमध्ये मोठ्या कार्यक्रमांचे झालेले यशस्वी व्यवस्थापन आणि बंगालमधील या गोंधळाची तुलना करून, सरमा यांनी मुख्यमंत्री ममता बॅनर्जी यांनी आत्मपरीक्षण करण्याची गरज असल्याचे स्पष्ट केले.
मेस्सीच्या पहिल्या वहिल्या भारत दौऱ्यातील कोलकाता लेगमध्ये, सॉल्ट लेक स्टेडियममध्ये तो अवघ्या काही मिनिटांसाठी उपस्थित होता. मात्र, व्हीआयपी लोकांनी त्याला पूर्णपणे वेढल्यामुळे सामान्य चाहत्यांना त्याला नीट पाहताच आले नाही. यामुळे संतप्त झालेल्या जमावाने स्टेडियममध्ये मोठ्या प्रमाणात तोडफोड आणि गोंधळ घातला.
या घटनेनंतर मुख्यमंत्री ममता बॅनर्जी यांनी चाहत्यांची माफी मागत उच्चस्तरीय चौकशीचे आदेश दिले आहेत. यासोबतच, कार्यक्रमाच्या मुख्य आयोजकालाही पोलिसांनी अटक केली आहे. तरीही, विरोधकांनी या घटनेवरून पश्चिम बंगाल सरकारला घेरले असून, राजकीय वातावरण चांगलेच तापले.
हे देखील वाचा –
काशीच्या अन्नपूर्णा मंदिरात आता १ वर्षांच्या बाळांना ‘दूध प्रसाद’
